Ingliz Tili Qanday Paydo Bo‘lgan?

Mundarija yopish

Ingliz tili qanday paydo bo‘lgan?

Hozirgi davrning deyarli barcha tillari dastlabki kelib chiqish tiliga ega. Ushbu dastlabki til barcha hosilalari bilan til “oilasini” tashkil qiladi.

Ingliz tili hind-yevropa tillari guruhiga kiradi. Unga shuningdek fransuz, italyan, nemis, norveg va yunon tillari ham kiradi

Hind-yevropa guruhida turli xil kichik guruhlar mavjud boʻlib, ingliz tili gʻarbiy-tevton kichik guruhiga kiradi. Aslida, ingliz tilining kelib chiqishi 5-asrning oʻrtalarida, Shimoliy dengiz tomondan kelgan kelgindilarning hozirgi Buyuk Britaniyaning butun hududi va Kelt qabilalarini bosib olgan paytdan boshlanadi.

Qulaylik uchun ingliz tili tarixi uchta asosiy davrga boʻlinadi: qadimgi ingliz (anglo-sakson) tili — 400–1100 yillar; oʻrta ingliz tili — 1100–1500 yillar; zamonaviy ingliz tili —1500 yildan hozirgi kungacha.

Dastlab Angliyada kelt tilida gaplashishgan. Biroq, orollarning anglo-sakson istilosidan soʻng zamonaviy ingliz tilida juda kam kelt soʻzlari qoldi.

Anglo-saksonlar turli shevalarda gapirishgan. Keyinchalik normanlar istilosidan keyin tilda Skandinaviya tilining elementlari paydo boʻldi. Nemis tillariga mansub bu til ingliz tiliga ham taʼsir koʻrsatdi.

1066-yilda Uilyam Istilochi Normand fransuz tilini oʻz saroyining rasmiy tili deb eʼlon qildi. Dastlab, “normand” tili aholining eng badavlat qatlamlari orasida tarqaldi. Asta-sekin bu til boshqa joylarga ham keng tarqala boshladi va anglo-sakson tilidan farq qiladigan yangi til paydo boʻldi. Ushbu til zamonaviy ingliz tilining asosi boʻldi.